Приватната клиника „Битољ“
Градска Прошетка
365 прегледи
Аудио водич
0:00
0:00
Приватната клиника „Битољ“, позната и како Санаториум „Битољ“, била сместена во објектот кој денес го знаеме како „Белата Куќа“. Градбата се наоѓа на улица „Димитар Илиевски Мурато“ бр. 20 и е во близина на Широк Сокак и хотелот „Епинал“.
Приватната клиника најверојатно била отворена во 1931 година, односно во периодот кога во Битола бавно и тешко се обновувала медицината. По Првата светска војна, градот се соочувал со недостатоци во организацијата на здравствената служба и ограничена превентивна дејност. Постоеле мал број на приватни здравствени установи, бидејќи најголемите болници во Битола, како „Гураба Хаста Хане“ и „Спитаљето“, престанале со работа откако биле оштетени од бомбардирања. Големиот број на заразни и други заболувања и лошите санитарно-хигиенски услови за живеење биле болното наследство што го оставила војната.
Еден од објектите, чија цел била борбата за подобри здравствени услови, бил и Санаториумот „Битољ“. Се претпоставува дека располагал со модерни апарати и инструменти, соби со беспрекорна хигиена и работници кои биле едни од најдобрите лекари-специјалисти во градот. Освен што постоела како болничка установа за прегледи и лекување на болни, можно е да била и место каде што се изведувале научни испитувања и практична медицинска настава.
Во близина на клиниката се наоѓале и приватната ординација на Александар Османли, аптеката на Ташко Филиповиќ и Богословијата. Во тој период во Богословијата почнала да се развива медицинската дејност и почнал да се формира болничкиот комплекс, од кој денес остана само топонимот „Стара болница“. Други податоци во врска со приватната клиника „Битољ“ немаме, односно не знаеме како и до кога фукционирала. Но, најверојатно таа не функционирала долго, бидејќи Битола се соочувала со недоволен болнички постелен фонд и малуброен лекарски кадар. Ваквите проблеми станале сѐ поголеми со почетокот на Втората светска војна.
Моментално овој објект е познат како „Белата Куќа“ и функционира како хотел и бар. Со неговата бела, елегантна фасада и ден-денес потсетува на некогашната хигиена и чистота на Санаториумот „Битољ“ и ќе остане познат како клиниката која се борела за подобри здравствени услови во најмрачниот период на битолската медицина.
Приватната клиника најверојатно била отворена во 1931 година, односно во периодот кога во Битола бавно и тешко се обновувала медицината. По Првата светска војна, градот се соочувал со недостатоци во организацијата на здравствената служба и ограничена превентивна дејност. Постоеле мал број на приватни здравствени установи, бидејќи најголемите болници во Битола, како „Гураба Хаста Хане“ и „Спитаљето“, престанале со работа откако биле оштетени од бомбардирања. Големиот број на заразни и други заболувања и лошите санитарно-хигиенски услови за живеење биле болното наследство што го оставила војната.
Еден од објектите, чија цел била борбата за подобри здравствени услови, бил и Санаториумот „Битољ“. Се претпоставува дека располагал со модерни апарати и инструменти, соби со беспрекорна хигиена и работници кои биле едни од најдобрите лекари-специјалисти во градот. Освен што постоела како болничка установа за прегледи и лекување на болни, можно е да била и место каде што се изведувале научни испитувања и практична медицинска настава.
Во близина на клиниката се наоѓале и приватната ординација на Александар Османли, аптеката на Ташко Филиповиќ и Богословијата. Во тој период во Богословијата почнала да се развива медицинската дејност и почнал да се формира болничкиот комплекс, од кој денес остана само топонимот „Стара болница“. Други податоци во врска со приватната клиника „Битољ“ немаме, односно не знаеме како и до кога фукционирала. Но, најверојатно таа не функционирала долго, бидејќи Битола се соочувала со недоволен болнички постелен фонд и малуброен лекарски кадар. Ваквите проблеми станале сѐ поголеми со почетокот на Втората светска војна.
Моментално овој објект е познат како „Белата Куќа“ и функционира како хотел и бар. Со неговата бела, елегантна фасада и ден-денес потсетува на некогашната хигиена и чистота на Санаториумот „Битољ“ и ќе остане познат како клиниката која се борела за подобри здравствени услови во најмрачниот период на битолската медицина.
